多煩惱


個人分享
Tagged With: , , , , , , , , ,

「工作」

又到年底,下年公司話咁快就五年。下一步點行?應該做啲乜?好多時真係唔知點揀。好似好好,又好似見步行步。壓力有加冇減,又係時候退一步睇清楚應該點行。無人知出年會係點,當然我同大家一樣都要生活,所以又係個句頂硬上啦香港人!

「家庭」

除咗工作,家庭又係另一個煩惱。最大嘅煩惱當然係樓啦。自己創業,啲銀行又借唔得多俾你,又係煩。有時真係打工無咁嬲!最起碼可以借到錢上車。所以壓力又落返係工作到。要發展公司就要用錢,希望有回報,亦因為咁就要放棄其他嘢。所以又係要頂硬上!

「人生」

人越大越多煩惱,但係煩惱點嚟?係自找煩惱?定係社會製做煩惱?又或者係其他人製造煩惱?其實好多時係啲煩惱自己搵上門。人生無可能無煩惱,係睇吓你點睇同點對待!心淨人淨,有時退後一步未必唔係好事。凡事太在意有時仲會令事件更複雜!睇怕又係時候放鬆吓啦,香港人!

(Visited 24 times, 1 visits today)