直升機


個人分享
Tagged With: , , , , , , , , ,

「禮物」

今年聖誕節同班朋友去燒嘢食,之後就大家交換禮物。因為我事先抽咗會買嘢俾邊個人,所以大家都買啲人哋應該啱用嘅嘢。今年我份禮物係一架遙控直升機仔。其實之前見過,都有諗過買佢,貪佢機仔細細,係屋企都玩得。當然我一返到屋企就走去開嚟玩啦!哈哈!

「控制」

雖然機仔細細,但係都飛得好鬼快。連我都要少少時間去摸下點飛。自問嚟啲嘢一般難唔到我,但係都俾隻嘢玩起。佢原來一啲都唔易玩,起機都失敗好多次。一係唔起,一起就飛到上天花板!之後飛前飛後,飛左飛右,墜機無數次。。。真係唔好低估啲遙控直升機。

「航拍」

其實一直好想買隻機玩航拍,因為有啲嘢平時影相係影唔到。不過又係好多種類,去搵架啱自己都唔係咁易。經過迷你遙控直升機嚟次經驗,好肯定啲航拍機緊難玩。大風啲都會出事,所以買隻嚟啲迷你直升機試下都係好事。希望下年可以玩下啲航拍機。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]