去出書

「設計」

十幾年前做平面設計,十幾年後因為「雨傘」去收集市民感受,又再挑起設計條癮。本來諗住出吓 Blog,出吓 Postcard, 整個檔口推廣吓『雨。感受』。點知事情發展到設計 Postcard Logo,易拉架,宣傳板,等等一系列嘅嘢去支持『雨傘』。無諗過去到要出書,真係好 Amazing 呀!

「集文」

由當初搵身邊朋友,到依家好多人投稿。超過百幾篇感受,真係意想不到。希望運動得以延續,所以未到五百篇,但係都想出咗頭一百篇感受去感染其他人投稿。有網民話不如收集夠『六八九』篇啦。如果大家可以搵多啲人寫三百字俾我,我諗一定可以!得唔得就睇你哋啦!我只可以講我盡做!一點一滴來得不易!真係多謝大家寫你嘅感受俾我!

「出書」

講真,我從來未接觸過出版社,我亦未出過書。所以好多嘢唔識。今日去咗見其中一個出版商,講『雨。感受』個目的同背後嘅意義。好希望佢哋會幫到手啦。我要求好間單。一,要送返一本俾投稿人。二,所有版稅及扣除出版成本後收益,將撥捐俾有用嘅人(應該會係大學)。三,保留投稿人原稿,錯別字,口語化,一律保留。如果可以趕到係二月三號出就最好,因為個日係第一百篇係網上發佈!希望大家多多支持『雨。感受』!繼續投稿!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]