做冬去

「由來」

話咁快又到「冬至」,唔知依家啲細路知唔知「冬至」嘅由來?「冬節」就係「冬至」,時間係陽曆十二月二十二日或者二十三日。依照中國傳統嘅曆法,以五日為一候,三候為一氣,一年又分為十二節和十二氣,合稱為二十四節氣,而「冬至」就係二十四個節氣中嘅一個。因為佢嘅日子並無固定,所以同「清明」一樣,被稱為「活節」。

「天文」

係冬至嚟一日,因為我哋係北半球,嚟個時候太陽剛好直射係南迴歸線(又稱為冬至線)上,所以令北半球嘅日照時間最短,黑晚最長。過咗冬至之後,太陽又再慢慢向北迴歸線轉移,北半球嘅日照時間又慢慢加長,而夜晚漸漸縮短,正因為如此,「冬至」便成為曆法上重要嘅節氣之一。由於古人對於這種自然現象嘅變化規律有深刻嘅認識,所以有「冬至一陽生」嘅說法,意思就係話從「冬至」開始,「陽氣」就會回昇。

「習俗」

一般係「冬至」個日會食「湯圓」,其取圓形象徵天與陽,寓意年終團聚。湯圓有餡嘅係用嚟祭祖,無餡嘅係用嚟祀神。沿海地區嘅人通常會將圓造成紅色同白色以寓意陰陽交泰。「冬至」同常都會一家團聚食晚飯,係希望一家人團團圓圓。而我哋有句「冬在初,冷唔多;冬在中,冷死蔥;冬在尾,賣咗黃牛來置被。」。係指「冬至」係農曆月初,個年天氣通常會較暖,「冬至」係月中咁個年冬天比較凍,「冬至」係農曆月底,個年冬天就會相當寒冷!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]