無雨傘

「正常」

今日去立法會開會,如常揸車去到中信大廈對面嘅一個小小停車場。其實運動期間,個停車場除咗係傳媒泊車嘅地方之外,我每次落去都會泊係個度。好似已經習慣咗唔行「夏慤道」,又或者我選擇避開唔行。無論係點,經過一日嘅清場,人去留空,你已為回覆正常,但係當你見到我哋留低嘅痕跡,你個心會有啲唔舒服。一個難以形容嘅心情。

「清場」

當然政府急不及待想抹走一切,搵人清理兩個多月嚟我哋留低嘅痕跡。但係都唔係一時三刻可以。眼見公作人員慢慢將政總牆上面嘅貼紙清理,雖然唔捨得,但係心裡面諗,你慢慢清吧!因為你清得啲表面嘢,你清唔到我哋嘅記憶!再行到「連儂牆」嘅時候,心情更加沉重,因為你仲見到零碎香港人嘅心聲仍然係牆上面。人不在,心在!心不在,念在!

「傘下」

當然我點會唔行上去海富天橋睇呢?每次影相一定會去嘅地方!點知一上去就見到木工伯伯。當然打咗個招呼,問候吓佢,但係大家都知我哋唔捨得。雖然馬路開通咗,下面再唔係一個個帳蓬,同一個個村民而係巴士,的士,貨車同私家車。但係我哋留低嘅痕跡隨處可見,差啲連眼淚都出嚟,唔係因為人去留空,而係知道我哋仲有好多嘢要做。每一處嘅痕跡都提醒我哋要繼續堅持我哋嘅信念!所以決定今晚銅鑼灣見!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]