港買樓

「儲錢」

買樓其實係每個香港人都希望嘅嘢!好簡單,人要安居樂業,租樓一來幫人供樓,二來渣頸就命,業主加租一係搬,一係就要俾。搬嚟搬去嘅日子,相信好多香港人試過。所以儲錢買樓係好多人嘅心願,包括我在內。但係香港嘅年輕人要儲幾耐先可以買樓?好彩嘅有屋企幫手,有骨氣靠自己真係有啲難。當一個大學生一出嚟做嘢,一個月搵一萬,你估下佢幾耐先儲夠首期?我講嘅係正常人!

「睇樓」

唔知有幾多人今年有睇過樓。個樓市唔係我哋嚟啲平民可以付擔得起。年頭睇嘅樓,年底可以升咗幾十萬到成百萬都有。仲要啲地產同你講無盤睇,有都好少或者係連租約,所以無樓睇。咁唔睇過又點知買唔買呢?唔通咪埋眼買層樓?而家你想買,先唔好講你有冇首期,就算你有都冇樓俾你睇。你話係唔係癲㗎?真係唔明點解可以連層樓都唔睇就大喇喇幾百萬買層樓。我真係唔明!

「變態」

政府啲所謂政策一啲用都無。作為佢哋口中嘅中產,真係唔知點買樓。當然你話可以買啲細啲,遠啲嘅樓,但係真係唔值咁嘅價囉!好似之前太古城咁,582呎「則王」連天台要成千萬,係唔係變態㗎?銀碼大,個買家只可以承造最多五成按揭,即借貸 500萬,首期要先俾 500萬。以如果率 2.5厘計,分 25年攤還,每月供款要 $22,430元。仲要通過銀行為按揭申請人做利率回升嘅壓力測試,以按揭利率加 3厘推算,每月最低入息要 $5.12萬元才能上車借貸供樓。只可講句!「有錢人」!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]