「雨。感受」045

「文嘉超」

「點解」

其實我算係半個共產主義者。我支持今次的佔領中環行動係為咗十卜資產階段民主。我覺得只要今次的公民抗命得咗,你哋就會發現資產階級民主其實唔會改變到任何野,樓價只會係咁升,劏房只會愈來愈多,堅尼係數穩步上揚,資產階級歡天喜地,無產階級叫苦連天。唯有共產主義,方可解放全人類。

「感受」

一方面,我好高興有好多同學,佢地雖然好政治冷感,但係佢哋都支持今次嘅佔領中環行動。而且,我見到好多佔領者,佢哋係無政府規管下仍然好自律,又清垃圾,仲識分類回收,我相信個一個無政府、無階級、無民族的共產主義社會一定能夠實現。另一方面,我唔開心,大中華地區的人民仍然係咁反動,個少少影響都唔就下,要早起身三十分鐘就申請禁制令。

「期望」

我當然希望佔領中環行動能夠成功,共產黨肯俾大家公民提名下,17年一齊提名一齊投票,到時大家再感受下資產階級民主係幾咁美好。但係世事邊有咁美好,共產黨可能會用啲聱波炮鎮壓,到時一醒就係醫院,兩個警察錄下口供咁,17年繼續無得選。