出外闖

「謬論」

嚟幾日係新聞再一次聽到「深圳前海」,最好笑嘅當然係我哋個位特首「梁振英」嘅言論啦!佢係訪問嘅時候揚言,香港要吸納更多外地人才嘅同時,香港青年人都要考慮出外闖闖。聽完之後,唔通佢想香港所有年青人搬返內地?咁係唔係話留係香港無前途?咁都講得出口,應真佩服!佢仲話香港的經濟結構比較單一,前海為香港青年提供了優厚的創業條件!真係非常謊繆!

「出外」

特首話希望香港青年人要去前海同香港以外的地方睇吓,先可以搵到更多符合自己興趣同能力的機會。咁點解香港會無機會?講到嚟一點,好明顯就係多年嚟政府嘅發展方針同經濟體傾斜囉!成日講中國係一個龐大嘅經濟體,係又點?話香港青年人「唔能夠劃地為牢」,眼光只放係香港,未又係你哋做成。如果香港有好嘅發展又點需要鼓勵佢哋去中國。去都去多啲外國學嘢啦!

「建議」

我自己係支持年青人出去闖吓,學吓唔同地方嘅文化同工作模式。我自己慶幸以前係大公司有機會去唔同嘅國家同世界各地嘅人材工作。真係學咗唔同嘢。不過我遇到嘅年青人,好多都已經有咁嘅諗法,仲要計劃好去唔同地方工作。現今社會一定係要放眼世界,唔係放眼中國。中國係要去,但係世界係好大,應該鼓勵年青人去學習多元文化,接受新嘅事和物先至達到「廣闊視野」嘅目的。「劃地為牢」?你嘅眼光未只放係「香港」同「中國」囉!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]