港生活


個人分享
Tagged With: , , , , , , , , ,

「回流」

細細個跟父母移民去咗澳洲,香港慢慢變成自己鄉下。以前讀書嘅時候都係放假先返嚟,到咗自己出嚟做嘢,除咗放假,香港都係中轉站。直至前幾年有個機會重返香港做嘢。其實返到香港做嘢比起其他地方好唔同,自己成日諗香港係唔係長遠發展嘅地方。如果唔係因為自己冇試過長期定居係香港嘅話,我諗我一早走咗!可必咁辛苦留係一個無發展嘅地方。

「生活」

要係香港生活真係唔係易嘅事。諗住買樓,偏偏佢就係咁升,追到追唔到。好啦有份高薪厚職又覺得無所事事,無前途,浪費青春。到創業,想改變香港個市場,點知落後人哋五年以上,人才短缺。話雖如此,不經不覺五年過去,發生咗太多事,生活負擔越嚟越重。到咗今日嘅香港,我回頭一看,當然可以一走了之。但係人大咗,香港始終係自己個家,希望盡一分力將自己嘅經驗分享俾下一代。

「未來」

香港嘅優勢慢慢被中國取替,當大部份人仲諗住安居樂業嘅時候,係唔係諗下自己嘅下一代會點?其實嚟一刻好灰,唔上唔落嘅中產真係睇唔到香港嘅前景。要我嘅下一代生活喺咁嘅環境真係好擔心。希望大家支持下班學生,佢哋仲有慢慢長路。因為佢哋先係未來主人翁,就好似以前我哋父母所講,嚟個係你嘅將來唔係我哋嘅。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]