做選民


個人分享
Tagged With: , , , , , , , ,

「登記」

你登記咗未?有權投票真係唔要?有啲人怕麻煩,唔去投票,人地建制派一車一車去投,仲要幫啲公公婆婆登記做選民!嚟啲手段見唔少。所以佢地佔咗立法會咁多地區議席係有原因。出年同後年分別會舉行區議會及立法會選舉,係大家為爭取香港民主嘅重要關鍵選舉。根據政府估算,被視為泛民主要票源18至30歲嘅選民,呢個年齡組別已登記成為選民的人數不足六成,比被視為建制派票源嘅50歲以上年齡組別已經登記咗做選民人數少近二十個百分點。

「選民」

上個星期,政制及內地事務局局長譚志源回覆立法會議員梁家傑提問嘅時候表示,今年正式選民登記冊載有 3,507,786名地方選區嘅登記選民,登記率為 73.5%。
至於我嘅組別 31至 50歲嘅年齡組群合資格選民有1,126,194人,已登記為選民嘅比率係 74.3%。而 50歲以上合資格已登記嘅選民人數多達1,801,469人,佔咗嚟個年齡組別的嘅合資格選民人數 2,286,700人嘅78.8%。

「改變」

如果要改變,除咗要改變現在嘅議會架構之外,其實大家仲要有權去投票先得。新世代 18至 30歲合資格選民有 971,400人,但係得 580,123人已登記咗做選民,登記率只有 59.7%,仲有 391,277人仲未登記。換言之,18至30歲合資格選民係最少。所以,大家記得去登記做選民!當人口慢慢老化,50歲以上嘅選民減少,大家就可以變成社會嘅大多數。所以就算嚟一刻仲未有成果嘅時候,大家都要做好準備工作!快啲登記做選民啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]