被洗腦


個人分享
Tagged With: , , , , , , , , ,

「媒體」

每次當社會有大事大非,媒體都扮演一個好重要嘅角色,就係將事件如實報導。不過當媒體選擇性報導,自我審查同利用唔同方法去不實報導嘅事後,好多只接收單一資訊嘅市民就會慢慢被洗腦。亦因為一啲單一聲音同畫面,好多時都扭曲咗件事嘅事實。所以我哋不咁心被洗腦,所以頭腦清晰嘅市民會利用唔同嘅媒體同渠道去了解事實嘅眞相。所以邊個洗邊個腦?某啲媒體一定係。

「警察」

以前大家對香港警察都好有信心,好尊重佢哋。不過近年你會發現佢哋處事,好多時係唔做唔錯同唔想煩。你舉報好多時大你話好浪費時間等等嘅借口。我通常見到啲被洗腦嘅警察都係後生個班。個個當市民係賊咁看待,得啲老柴骨會對市民好啲。見到新一代嘅警察被洗腦至嚟個地步真係可以話將市民對警隊過去建立嘅形象係一兩個月內被摧毀。真係有啲反咗去六七十年代嘅警民社會!

「學生」

需然個政府不斷想去洗啲細路個腦,但係好彩有一班好成熟穩重嘅學生明白咩嘢係獨立思考,不被洗腦。亦都係因為佢哋,令好多成年人醒覺。如果唔係,香港嘅學生就會好似日本咁,將一啲本應係歷史事實嘅嘢慢慢咁逐少逐少刪除。咁下一代就會對發生咗嘅事同物一無所知,就正如「八九學運」,竟然有大學生會講嚟件事無發生過一樣。所以我哋要好好保護嚟啲資訊同唔好被政府去洗我哋下一代個腦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]