港警察

「宗旨」

警務處的宗旨包括一個抱負、七個目標同八個價值觀。

【抱負】
「令香港繼續係世界上其中一個最安全及穩定嘅社會」。

【目標】

「維護法紀」,「維持治安」,「防止及偵破罪案」,「保障市民生命財產」,「與市民大眾及其他機構維持緊密合作和聯繫」,「凡事悉力以赴,力求做得最好」,「維持市民對警隊的信心」。

【價值觀】
「正直及誠實的品格」,「尊重市民及警隊成員的個人權利」,「以公正、無私和體諒的態度去處事和對人」,「承擔責任及接受問責」,「專業精神」,「致力提供優質服務達至精益求精」,「盡量配合環境的轉變,對內、對外均維持有效的溝通」。

「氣憤」

再睇多次香港警察所謂嘅一個抱負、七個目標同八個價值觀,你有乜嘢感覺?需然我都識朋友做警察,但係警察係一個團隊!所以,係!你可以係好警察,不過作為一個團隊,仲要係服務社會同市民嘅時侯,任何一個警察都係代表整個團隊。但係過去兩個月,警察嘅「抱負」、「目標」同「價值觀」大部分都係得個講字,真係氣憤。一幕又一幕嘅挑釁同暴力,好似一個合法嘅古惑仔。咁有乜嘢「宗旨」可言?

「失望」

對啲警察非常失望!我真係可以拎幾條宗旨出嚟講。我哋唔係犯人,就算佢係,都唔會被打到頭破血流啦,真係會死架,保障市民生命?市民對警隊的信心,相信嚟一刻嘅信任度一定係負數。越嚟越莫須有,執法不公,暗角打人,誠信破產!如果真係尊重市民個人權利,咁點解未審先判,當個個係犯咁看待?好明顯執法不一,座視不理,亦不公平地去處事和對人。咁個警隊仲可靠嗎?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]