去記錄

「影相」

需然我影相唔叻,但係過去兩個月影影下都影咗好多「雨傘運動」嘅相。其實淨係想用啲相做個小小記錄俾自己。我好多時其實係深夜當大家瞓咗覺先去影,因為好平靜,可以俾我靜靜地睇吓同感受吓。個種感覺好特別,因為當你一邊行一邊觀察,就會睇到啲你平時睇唔到嘅嘢。最重要係可以慢慢影。唔留底,好可能一兩日就無咗。。。

「文字」

除咗影相,因為今年生日開始諗住寫嘢講下自己啲無聊嘢。本來而為寫時事只會係一段好少時間,點知越寫越多。不過嚟種亦係去記錄「雨傘運動」嘅另一種方式。更估唔到嘅就係由文字變成一篇又一篇嘅「雨。感受」,令寫嘢除咗個人舒發之外亦變成歷史記錄。希望十年後睇返啲文章嘅時候,個社會已經改變咗,當然係好個方面啦!

「影片」

自問唔識拍片,但係就唔介意被人拍。其實都係想將自己嘅諗法分享俾其他人同俾其他人去記錄。唔一定個個認同我哋做嘅嘢,不過唔同人有唔同諗法去將「雨傘運動」收集起嚟等下一代幾得我哋有爭取過,令佢哋識得分辨是非黑白。如果將所有人嚟兩個月拍嘅片集結埋一齊,想信可以改編成一套六十集嘅電視劇。