撤唔撤

「撤退」

好多人都討論緊個運動去到嚟一刻下一步應該點。點撤退亦都係一個好好嘅問題!我一直覺得政府好叻,用拖字訣去一拖再拖,等香港人自己人打自己人,令大家內訌,又不斷用唔同手段令大家不歡而散!先不論有無人係度搞事,但係當目標同處理手法唔一致嘅時候,唔駛政府嚟清理都已經變成一盤散沙咁,自然解散。嚟一刻就係咁嘅程況。所以就算要被逼撤退,大家要記得當初點解會出嚟。

「留守」

當然去到差唔多兩個月,大家嘅熱情同付出慢慢減少。留守嘅人一定要認清目標,唔好俾人誤導視線,學佢哋啲官話齋,撤同留中間仲有好大嘅空間去討論。何非急於一時三刻呢?況且唔同地方唔同人都有唔同聲音。大家成日話個政府唔討論,唔對話,咁我哋係唔係應該討論多啲傾多啲去解決。盡量唔好小事化大,因為嚟個正正係政府想見到。

「轉型」

現在係運動嘅轉型期,同一間公司無分別,所以一定會係逆水而流嘅局面。但係只要迎難而上就會成功。其實好多我係運動識嘅朋友都一直諗下一步係點,應該做啲乜嘢先可以延續落去。我哋唔係一時三刻嘅衝動,所以要用不同嘅模式去伸延到其他地方。不論用文字,藝術,音樂,等等嘅方式都係想多啲人明白個運動唔係破壞個社會而係破舊立新先會有改變。