人情味

「遺忘」

仲記得細細個嘅時候,香港係好有人情味嘅城市。但係唔知幾時,嚟個味道慢慢唔見咗。係因為大家每日變得越嚟越忙?定係大家變得更自我保護?亦係大家變得更自私自利?不論係點,我哋屋企好似愈嚟愈冷漠,毫不關心新邊嘅人和事。就好似我現在住緊個單位住咗三年,一梯四伙,但係我其實連佢哋姓乜名乜做乜都唔知。甚至連搭同一部升降機都唔認得。。。

「尋回」

最近發生嘅事情好似令香港特然搵翻嚟份俾遺忘咗好耐嘅人情味。每次落去行吓坐吓都好懷念嚟種味道。需然我無好似佢哋咁風雨同路,一齊過咗好多個晚上。但係,每當我去派「雨。感受」俾大家嘅時候,一句「小心啲呀」,「食咗飯未呀」,「請你食糖呀」,「加油呀!我哋支持你」嘅時候,真係好懷念呢個舊香港嘅人情味。真係好感動。。。

「改變」

我其實好多時都非常靜,但係當有雖要嘅時候亦可以講唔停,甚至經常開口挾著脷。但係慢慢會見到啲唔識嘅樓上樓下都問候一句同打個招呼。將自我保護意識慢慢降低。時間耐咗其實其他左鄰右里都開始主動同你打個招呼。我覺得事在人為,主動啲係無問題,其他人亦慢慢俾你感染到。所以大家都可以試下踏出第一步,唔好淨係揼低頭睇電話。。。同身邊嘅人溝通多啲,令我哋個社會再次多啲我哋呢種香港獨有嘅人情味啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]