港收視

「開台」

相信好多人同我一樣都好其待「香港電視」係十一月十九號開台。當然事前裝好晒手機程式以為已經準備好。點知都係預咗會好多人睇令到個網絡大擠塞!需然開台有少少阻滯,但係靈活變通嘅香港人就即刻係另外一啲平台幫手轉播。高峰嘅時候人數係有幾十萬人一齊睇。可以見到我哋有幾渴求有一個新嘅電視台俾啲有質素嘅電視劇俾我哋睇。講真,真係好好睇,同有啲唔識嘅演員。。。

「台慶」

其實「香港電視」間「無綫」台慶開台,點講都無人會信「魔童」唔係特登正面挑戰佢哋。近年嘅台慶越嚟越唔好睇。記得細個嘅時候係好睇好多,或者真係年紀嘅問題。個晚除咗等緊睇到「香港電視」之外會八卦睇吓「無線」搞乜,不過悶到都係對住個黑色畫面好過。最好笑嘅係之後係 Facebook 睇返最精彩嘅部份,蔣志光同韋綺珊唱「相逢何必曾相識」同無啦啦「黃祖藍」同「李亞男」求婚。。。

「收視」

無論係點,事實証明「台慶」無人睇!就算錯過咗,係網絡上面都可以睇返最精彩嘅片段。唔需要題直播!要好似「精裝追女仔2」嘅情節咁去谷收視,好明顯現實係唔得。一台獨大嘅局面相信好快變成歷史,因為估都估唔到有好多大品牌其實已經係「香港電視」落晒廣告。而廣告同贊助都係一個好大嘅收入來源。希望佢好快解決流量問題令大家可以舒舒服服睇電視啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]