港基建

「白象」

如果你唔知乜嘢係「十大基建」咁就要睇睇。香港十大建設計劃係香港特首「曾蔭權」係《2007年度施政報告》提出未來幾年香港特別行政區政府會推動嘅多份基建計劃,以改善香港市民嘅居住環境同埋俾香港社會有更高度嘅可持續發展。咁到嚟一刻你知道有邊十大嗎?有幾個你一定知!例如:「廣深港高速鐵路」,「西九龍文娛藝術區」,「啟德發展計劃」,「港珠澳大橋」,「沙田至中環綫」,「南港島綫東段」。。。

「超支」

由一開始到嚟一刻,大部分嘅基建都係嚴重超支。舉例,「港珠澳大橋」造價575億,要超支88億,「廣深港高速鐵路」造價669億,預計再超支150億至數百億,「西九龍文娛藝術區」最少要近500億。。。如果係一間公司咁超支法唔執笠就假啦!仲未計「屯門西繞道同屯門至赤鱲角連接路」,「港深機場鐵路」,「落馬洲河套區」,「新發展區:洪水橋新市鎮、古洞北新市鎮、粉嶺北新市鎮同坪輋/打鼓嶺新市鎮」,等等。。。

「成效」

其實有啲我都唔知係唔係可以幫到香港嘅持續發展。用幾千億仲要下下超支幾十個百份點,其實當初點解無計埋入去?唔係今時今日先知有通脹呀?每次超支都有借口,唔係原材料加價,就話人工加咗。期實香港係唔係需要咁多新基建?用咗咁多錢係唔係應該諗吓點樣改善民生同多產業發展?起咁多嘢都解決唔到現今嘅社會問題,好明顯係資源分配嘅問題啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]