搜先決

「每日」

相信大家每日一定最少用 Google 一次去搵嘢。原因好簡單,太方便!一有唔識嘅嘢就上去 Search 吓就知得一清二楚!加上智能手機同網絡速度不斷進步,係街要搵資料變得方便咗好多。之前亦提過一間公司如果客戶 Search 唔到都幾大鑊。所以無論做任何策略都好,首先諗諗好多時用戶嘅行為係點。而第一個接觸點好多時都會係「搜尋器」。

「內容」

其實無論你係大公司或者係細公司,都要諗下「搜尋」策略。因為好多時都忘記咗「搜尋器」嘅重要性,而且唔同形式嘅內容,不論係文字,圖片,影片,等等都係有機會俾「搜尋器」搵到。慢慢啲資料就變成一個密密麻麻嘅網絡。對長遠嚟講係百利而無一害。所以其實所有嘢都係環繞住搜尋器去諗!如果唔係就變咗為做而做。而且唔係一時三刻就會成功。

「核心」

當搜尋器係策略核心嘅時候,一定要配合唔同平台嘅特質先可以令佢更容易被發現!除此之外仲要定期有新嘅內容發表,令搜尋器不斷返嚟搵新嘢。做任何內容嘅時候,除咗要爆之外仲要諗下係無推廣嘅情況下會唔會有人搵到同搜尋器睇唔睇得明。好多時一個網站寫得唔好已經可以令你網站嘅內容無法被發現,所以唔好以為自己個網站靚就得,好多時後面寫得好唔好都會影響成件事。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]