容不下

「文字」

唔知幾時開始,香港連幾隻字都容不下?好一句「我要真普選」就令大部份嘅人覺得好礙眼。連一個橫額都容不下嘅社會仲講乜嘢言論自由?就連自己屋企隻窗都唔黏得,咁不如新年大家唔好黏揮春啦!首先我本人係唔支持「法輪功」,但係我想問吓點解「法輪功」啲橫額仲可以係街上面掛囉。新華社聲明:「法輪功反對中國共產黨和中央政府,追求理想主義、有神論和封建迷信」。唔通「我要真普選」已經變成一個十惡不赦嘅宗教?

「包容」

一把平平無奇嘅雨傘幫我哋遮風擋雨,幾時開始個社會又容不下?唔通打風落雨我哋唔可以帶遮?個個著雨褸,水鞋出街返工返學?成日話要包容,偏偏你就最唔包容。唔通我哋唔想見到「私煙」同「整容」嘅時候,我哋又要禁止佢哋?去法庭出咁禁制令,去滅聲,去打壓?好想講句,「你包容咗我哋先未包容你囉」!我哋都「容不下」一隻狼,一個不公平,公義,公正嘅社會!

「打壓」

當個大家容不下任何事情嘅時候,唔通要禁止民眾懸掛、張帖「我要真普選」橫幅、圖象、標徽記同其它標識;禁止散發「我要真普選」相關材料;禁止靜坐、上訪等方式維護和宣揚「我要真普選」嘅集會、遊行、示威;禁止以「我要真普選」方式煽動擾亂社會秩序;禁止組織、串聯、指揮「我要真普選」對抗政府決定的抗議。於果係咁,嚟個仲係我哋嘅香港嗎?快啲醒啦,好唔好!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]