港就業

「就業」

之前睇到篇「香港大學神科就業前景評級」真係唔知好嬲定好笑。本來都覺得好似分析得好有道理,但睇睇下又好似有啲問題。問題就係個分析好似又係錢字行先。。。唔通有錢就等於有前途?前兩日先講過『人三業』,今時今日真係冇乜嘢係有保障,可況份工呢?講咁多都係要睇個人能力多過任何嘢,淨係為錢去讀書,去返工咁同隻喪屍有乜分別?無思想,行屍走肉嘅生活囉!

「揀工」

我做任何工作多數睇三樣嘢。一,有冇野學?冇嘢學唔好預我,返工唔係做完就算,係要有成長嘅機會。無嘢學嘅話咁邊有錢途?你都無增值過。二,老細好唔好!跟到一個好老細肯教你嘢,指點你同提攜你就真係執到。唔係你都無乜運行同無發展空間,仲講乜錢途?三,唔好咁多公司政治!返工仲唔夠咩?所以唔好搞我,你玩還玩,唔該行開啲!

「錢途」

個平級係用今日個社會狀態去估計同評級。嚟個就好似十幾年前嘅科網情況。。。個個一窩蜂去讀,因為起薪點高,唔怕畢業無嘢做。但係亦都因為今日唔知聴日事,我啲讀「資訊科技」嘅同學畢業個年就遇到「科網爆破」,全部唔係無工開就人工超低。讀得嚟都蚊瞓,所以要有「錢途」讀「筍科」係幫唔到你。要不斷增值自己,學唔同行業嘅嘢先有用。劈爛一把刀唔緊要,起碼你仲有其他刀可以劈先啦!

 

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]