人三業

「畢業」

從小學六年級之後,我就係澳洲新活同長大。雖然同香港唔同,大部份嘅人都可以入到大學讀書。講係咁講,但係我自己就冇入到自己當初想入嘅課目,視覺設計。。。我唔係話讀書唔好,不過我選擇去行另一條路,因為唔想為一張紙去浪費時間。當然我知道仲有好多公司係睇學歷,但係時代唔同咗,一張畢業證書係嚟個時代真係幫都時下嘅年青人搵到一份好工?反而辛苦啲一路讀,一路攞經驗變得實際得多。

「事業」

好多人都希望事業「一帆風順」,但係現今社會仲有冇一啲工係可以打一世。我經常同啲年青人講我嘅睇法,就係唔好睇眼前嘅嘢。唔好淨係睇嚟刻搵幾錢,因為之後可以搵返。二十出頭靠學歷,靠後生,有本錢試多啲睇多啲攞多啲經驗。三十出頭靠經驗,無人再睇你讀書好唔好,再唔後生,要靠往績,最好到管理層。四十出頭靠管理,因為不再後生同有負擔,體力下降等等,如果之前冇努力就冇競爭力。五十出頭就緊係諗退休,安居樂業。

「創業」

打工係可以有穩定收入,但係好多時現今社會「今日唔知聴日事」。你以為你份工好安全,偏偏你就係俾人炒嗰個。咁創業又一定好?唔係!只不過我會搏一搏。因為人生有兩個階段我覺得可以創業,第一就係剛畢業無負擔嘅時候可以試試,不過一兩年唔成功就好走人。因為仲後生,仲有競爭力。第二次係三十歲左右,當你儲咗少少錢,少少經濟負擔同最緊要係仲有體力嘅時候。不過,又係一兩年唔成功就好走人。因為仲可以搵返份工。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]