黑白俠

「黑俠」

每個行業都有黑與白,「數據分析」界亦都係一樣。當數據被扭曲同不當地使用嘅時候,佢嘅殺傷力往往令光明閃亮真實嘅事情特然變得暗淡無光!我會統稱嚟類人叫「黑俠」。佢哋其實有少少似「魔術師」!點解?因為佢哋好叻用「掩眼法」去令「白變黑」,「黑變白」,佢哋亦識得運用圖表去制造幻覺。舉個例子,如果你尋日賺一蚊,今日賺兩蚊,佢哋唔會話你聽你今日淨係賺多咗一蚊,而係你今日做得好好,因為你今日比尋日賺多咗一倍!妙極秒極。。。

「白俠」

「數據分析」嚟個新專業仲未發展到好似會計,律師,醫生咁有專業文憑。但係我哋有一定嘅行規就係要有「道德」地去使用任何數據。因為我哋知道我哋唔把守嚟條道德嘅低線,數據就會變成「擾亂人心」嘅武器。「白俠」嘅定義係要將啲「掩眼法」逐一擊破,讓大家係幻覺中醒來。其實我哋都係「魔術師」,只不過係嘅破解「魔術」嘅「魔術師」,所以我哋都要識「魔術」。所謂「魔高一尺,道高一丈」,要將閃亮嘅數據再展現俾大家。

「光暗」

數據其實好可怕,一不少心就會走火入魔。正如我係「數據毒」講過數據會慢慢由「白」變「黑」。「黑」與「白」之間嘅恩恩怨怨唔係一朝一夕可以解決。但係練任何「蓋世武功」嚟個係必經之路。其心不正嘅「黑俠」都可以變「白俠」,因為要練成「蓋世武功」你需要走進「黑暗」再走返出嚟先會領悟個中道理。希望快啲會有更多「白俠」嘅出現同誕生去圍護我哋嘅「道德數據」!

(Visited 38 times, 1 visits today)