不報憂

「報憂」

我諗大部份嘅打工仔都係有咁嘅心態就係「報喜不報憂」!過去咁多日,我淨係不斷聽到影響嚟樣個樣,例如因為佔中會好塞車,影響商舖,經濟,旅遊,我好關心嘅樓市,等等。但係嚟啲都唔係同老闆講,而係同員工講。不斷拋佢,大佢同恐佢。講到佢哋好慘,你哋唔識做,小心被祭旗!相信你哋每日返工都應該聽唔少!

「報喜」

咁其實係點?唔係話佔領會導致百業蕭條咩?但係點解無人講九月零售升成 4.8%,係今年 1月以來最大增幅(不過仲有業界話10月會負增長)。維園年宵餐檔 57萬租破紀錄。美酒節入場人數勁升三成破紀錄。內地客減本地客增,哈囉喂入場升 12%。訪港旅客逾 303萬人次,比去年增近 11%,其中大陸客逾 238萬人次,增 15%。仲有港鐵乘客增 13%。

「唔報」

點解股市、樓市仲係咁升,除咗佔領區以外,其餘地區的消費不跌反升。有苦主走出嚟控訴,但係就冇人係話我賺多咗錢?佢哋唔報係繼續制造恐怖,等個社會繼續不滿。但係唔報唔代表冇人知,收收埋埋啲好嘢唔拎出嚟,最終咪又係「不攻自破」。所有嘅大話逐一被擊破,真係唔好亂咁噏當秘笈先得架!精明嘅香港人,眼睛係雪亮嘅!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]