尹思哲

「回顧」

幾年前睇完「尹思哲」嘅「創業起義」令我感觸良多。創業之路真係唔易行,但係我選擇再行多一次。回想起十五年前,第一次係澳洲正直科網發展的時候,因為我無入到我理想嘅大學科目,我亦唔想浪費時間所以選擇開始自己創業。其實寫網站係我嘅嗜好,與此同時加上我鐘意平面設計,幫企業寫網站變咗順理成章。錢嚟得易,但係我亦明白我缺乏嘅係實戰經驗。

「選擇」

過咗兩年,我選擇結束間公司去搵第一份全職工作。之後我基本上一切順利開始,由一間細公司到中型公司,直至科網爆破去咗澳洲 IBM,然後被委派到中國 IBM 再返嚟香港。嚟個旅程足足花咗我十年時間先至決定重新踏上創業之路。好多人話我顛,因為我有一個很不錯的年薪,不值得冒險。但係如果我嘅工作只係朝九晚五,睇唔到前景嘅話,咁又有乜嘢意思呢?嚟一點亦係「創業起義」入面反映咗,而我特別鍾意「你應該擴大自己」嚟一句!

 「堅持」

雖然當中有好多考慮,但係如果我選擇唔再創業,十年後再睇返,我一定會後悔 。因為我認為當時係正確嘅時機。我都算係一個八十後,但我認為唔係所有八十後都係一樣。我哋仲有啲人係對資訊科技好有熱情。我睇到香港嚟個環境同社會不斷去平價一個人嘅成功與否係有錢或者冇錢。家長同媒體都係一樣!呢個係完全錯誤,不能接受!嚟個世界唔係得金融或房地產可以有百萬年薪! 資訊科技都可以有百萬年薪!搵快錢嘅心態係完全不能接受!點解我仍然選擇去創業?係因為我想證明主流社會係錯,我哋係有激情,有創業心,有香港人精神 !

(Visited 31 times, 1 visits today)