找數呀

「找數」

今日本來想寫「香港電視」,但係噚晚睇返一幕又一幕令人憤怒嘅畫面。「雨傘運動」已經過咗一個月,個個嘅焦點一路放咗係所謂嘅「佔中」。其實對嚟個 Term 極為不滿!佔乜中呀?唔該找數先啦。唔好諗住我哋唔記得你出動防暴警察,向平民放咗「八十七」枚催淚彈,七個暗角打人嘅警察,收咗勁多錢唔俾稅,扁低你口中對經濟無供獻嘅人,等等。真係數之不盡啊!

「佩服」

是問嚟個世界上,除咗隻「狼」之外,有冇一個人可以係一個月之內搞咁多嘢出嚟。你可以唔理「政改」,唔緊要,但係你唔可以唔理佢哋口中所謂嘅「法治」。因為佢哋「知法犯法」理應罪加一等,唔係咩?所謂「上『狼』不正下『狼』歪」唔好講咁遠。你連啲你控制到嘅問題都未解決,一單還一單,搞掂咗嚟啲先啦。縮埋就冇人記得咩?其實香港人好好記性!

「交代」

無論事情發展如何,嚟個係政府必須要同每一個香港人去交代!依㗎最叻嘅就係「拖」,等我哋慢慢淡忘,唔記得發生咗啲咁嘅事。唔該啦,「管」字係兩個口,但係係現今社會,科技發達嘅時代,你只會越描越黑。唔使做乜乜「歧視條例檢討」,自己已經歧視緊我哋啲低受入人士同無社會供獻嘅人。我哋係唔係應該集體去告隻「狼」呢?我做 StartUp 我係冇萬四蚊囉,我對經濟無供獻㗎(怒)!