老中青

「老年」

其實想講好耐,不過思前想後,終於決定要寫出嚟。相信好多人會發現所謂嘅「藍絲帶」大部分係上咗年紀。我見示威嘅都大概係八二比例。當然我唔係歧視任何人,不過點解佢哋會撐政府?經過咁多日,我自己嘅睇法係「安居樂業」嚟四隻字。以前嘅香港係你肯做就有前途,為嘅係安居樂業。佢哋老了自然想安安定定,亦唔想下一代好似佢哋咁辛苦。但係時代變了,讀好書,去外國升學以經係平常事,啲新世代其實睇唔到將來。

「中年」

我唔可以話我真係中年,但係三十幾歲到四十幾都係生長係一個比較安穩嘅時代。個個有書讀,開始係靠知識去改變生活。但係我哋都係隨波逐流,個個都想搵多啲錢過好啲嘅生活。所以亦形成一半支持運動,一半反對嘅局面。好多時我覺得反對個班係先顧咗自己既利益,唔好搞到我。又話者覺得唔關自己事,唔好阻住我搵食。當然你可以鬧我,我唔介意,因為各有各睇法,我亦明白同尊重。

「青年」

我接觸嘅時下年青人好多都同我講唔知將來會係點,亦睇唔到出路。係唔係真係可以 「安居樂業」?講真我哋啲中年人都未必可以話「安居樂業」何況啲後生呢!當個社會出現不公平,經濟體過份傾斜嘅時候,佢哋唔甘心隨波逐流,希望可以改變將來。佢哋為自己將來有錯?成日話佢哋無用,自大,無責任心,等等。咁我哋有冇諗吓點解?其實係唔係我哋啲所謂成年人一手做成,嚟個係值得我哋反思。自問我真係冇佢哋咁叻!