連儂牆

「歷史」

如果你有去過政府總部,你一定見過「港版連儂牆」。其實係 1988年,「連儂牆」Lennon Wall 成為捷克群眾對胡薩克共產主義政體憤怒嘅發洩源頭。大批捷克青年係牆上書寫不滿的標語,最終係查理大橋附近導致了一場學生、警察之間的大規模衝突,共有幾百人被捲入。參與行動嘅學生被諷刺地稱為連儂主義者,捷克當局將呢啲受過教育的和平人士分別誣衊成酗酒者、精神病患者、反社會分子和西方資本主義間諜。

「港儂」

咁香港嘅「連儂牆」係點樣嚟?其實佢係政府總部連接地面嘅樓梯旁邊嘅牆上面,而且不斷申延到梯級之間。 開始嘅時候係由社工周子同朋友一齊訪問集會人士,再以便條紙(Post-it)寫低佢哋集會嘅訴求同身份,然後貼係牆上面。之後亦留低空白嘅便條紙同水筆,俾其他人寫低佢哋想講嘅嘢。後來有市民係當眼處掛起「連儂牆香港」橫額,而便條紙牆因此命名。

「意義」

最初係捷克嘅連儂肖像一早就俾塗鴉覆蓋,即使政府當局曾經專門搵人嚟重新繪畫,但係每次重繪嘅第二日,牆面上又會被鮮花圖案同詩歌填滿。連儂牆已經成為表達青年理想,比如愛與和平嘅一個象徵性符號。 牆面嘅擁有者亦慷慨咁同意用嚟種形式繼續落去,形成今日可愛嘅「連儂牆」。咁「港版連儂牆」嘅命運又會係點?唔使講都知啦!所以建議大家快啲去睇。因為要睇晒我諗都要一啲時間。有興趣嘅不妨寫兩句!

注:
你亦可以係 Twitter Follow Lennon Wall Index
數碼連儂牆 – http://www.lennonwall.org/

(Visited 452 times, 1 visits today)