港大生

「對話」

唔知你今晚有無睇「學聯」同政府嘅對話?其實我覺得似辯論多啲,而且一面倒嘅局面。雖然話五個對五個再加一個裁判,事實係五個學生對一個高官,佢就係「林鄭月娥」Carrie Lam 。講咗兩粒鐘再加記招,其實又係講同一樣嘢,兜圈再兜圈,毫無建設。咁下一步係點?我想講嘅係,政府仲未知個社會嘅訴求係啲乜。阿 Carrie 繼續自欺欺人講一啲我哋唔明嘅嘢,又不斷玩數據,香港啲民意調查真係 n=100,咪玩啦!

「學生」

我真係以香港嘅新世代而驕傲!講真我好欣賞啲大學生,我大學嘅時候一定冇佢地咁叻!真係太厲害,針針見血,見到阿 Carrie 個樣真係不得了!佢哋做好晒功課,連所謂嘅主持人都被佢哋過咗棟,仲話係校長,真係失禮。佢哋唔單止做晒功課,仲好有策略,分工迎戰,對答流暢,反應超快。相比政府啲官員,一盤散沙,繼續播帶。大家應該興幸我哋有嚟班新世代,我諗我嘅年代一定無佢哋咁團結。

「犧牲」

今晚最令我深刻係「岑敖暉」,學生犧牲學業、時間、願意被捕,「唔通香港人作出嘅讓步仲唔夠多?」。當今日的政治局面,起因係政府及人大決定扼殺了香港未來,仲要香港市民「袋住先」,政府卻全沒讓步,係整整一個世代不能接受的東西。我想講唔淨係一個世代,係好幾個世代。很抱歉「你哋被時代選中的孩子」,但我非常同意「佢哋先係時代選中的官員」,「佢哋會成為有承擔的官員,亦或是扼殺未來的官員?」

 

注:主圖版權屬於 MR & LITTLE MISS HK PEOPLE。在此鳴謝同支本地創作。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]