結果論

「過去」

以前我會經常同啲後生講,我做嘢淨係要個「結果」,交嘢個日有貨交就得(當然要有高質素先過到我嗰關)。我唔理從 A 點到 B 點你經過幾多點,只要你去到終點就得,因為唔同人做嘢方法唔同,行嘅路唔同,但係目的地一樣。當然個出發點係希望令啲後生學識走位,遇到問題自己去解決,同承擔責任。不過最近嘅事情亦令我覺得要注意。嚟樣嘢叫「良心」!

「良心」

經過過去兩星期,我諗我要從新諗諗嚟個理論。以後真係要加多一句,就係「爲求目的,唔可以不擇手段」,一定要「拜得神,對得人」,唔好為咗目的而埋末良心。如果唔係就會失去人嘅本性,走火入魔。好多人話無商不奸,其實我覺得好在於咩嘢人。我做分析,好多時係要公開,公明,公正。所以我做生意一路在意我啲客戶,希望真心幫到佢地。憑良心去做!

「盼望」

無論今次運動結果如何,我相信大家都可以睇得更淸楚個社會同身邊嘅人。有啲人為咗個人利益去分化社會,亦有啲人發自內心去幫人。而現在個結果我自己覺得好似以前嘅香港。搵返香港唔見咗好耐嘅嘢!一份香港精神,互相幫助,有人情味,最緊要係文化同藝術氣息多咗。最重要係俾全世界睇到乜嘢係香港人應有嘅質素。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]