黑社會

「黑色」

之前睇報導已經覺得非議所思,竟然有黑社會明目張膽出嚟搞事,睇電影咩?古惑仔?陳浩南?我哋好似住喺一個地方叫做「香港」。我唔知幾時啲「警察」連黑社會都唔識分,仲要佢哋係度破壞搞事都唔拉。今次仲要日光日白,明刀明槍幾十個人嚟拆路障。搞完一邊又返另外一邊搞,兼且混入集會人士裏面挑釁。以為帶咗口罩就無人應得。好彩我有相為證!之後仲返入去「反」運動嘅人群入面扮無嘢。唔好意思,你俾我點咗相囉!

「白色」

講真,我而家見到啲黑社會都冇咁驚!因為係香港,嚟一刻見到啲警察先至要驚。嚟頭做完騷唔俾佢哋用暴力拆路障,轉個頭又係「反」運動人群入面同佢哋講咗陣嘢,拍晒膊頭。佢真係而為無人睇都同影到。無幾耐之後班人走咗。今次如果唔係親眼見到,我都未必信晒。真係佩服得五體頭地。次次話會執法,執咗啲乜?你有興趣可以睇我 Facebook 嘅相簿,真係鐵證。

「灰色」

狼果然係灰色,太過陰險!真係信你一成雙目失明!你唔自己睇,等啲報紙,雜誌,電視新聞話你知。但係佢哋唔會好似我哋咁係外面觀察。你會睇到反對人士嘅笑話!去示威揸住部電話影,影,影,再 Send Message 出去。你亦會見到有個領隊帶住十幾個人好似旅行團咁,不過全部都係上年紀嘅公公婆婆。都唔知係唔係香港人,啲廣東話難聽到呢!所以要知「真相」就自己去睇!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]