一起撐

「制度」

作為一個平民,其實好多時你生活係一個包含好多唔同制度嘅社會裡面。除咗國家政治之外,其實仲有公司,學校,社交,朋友同屋企。但係每個人都有選擇去揀,因為冇人可以奪去呢個權利!做錯選擇你可以怪自己,但係你唔揀等人幫你揀嘅時候,咁同「盲婚啞嫁」有乜分別?點解要「隨波逐流」?係唔係離開就可以解決一切?

「改變」

我長大同新活於唔同嘅制度裏面,亦都明白有啲制度唔係「一朝一夕」可以改變。但係唔試過又點知嚟?有時係「徒勞無功」,但係唔代表你唔啱,有可能只係時機未成熟。而今次學生嘅堅持我係完全明白,因為今次真係有可能係唯一嘅機會可以去改變。點解?我個人認為如果今次爭取唔到香港人想要嘅嘢,你覺得下次香港再有同樣事情發生嘅時候仲會有咁大回響?問心真係唔覺得會,因為「人」嘅本性如此,試過一次唔得就唔會再試!

「撐起」

如果今次唔撐,唔知嘅時再有勇氣撐。感激香港嘅新世代,等我哋一齊同你哋《撐起雨傘》!啲歌詞真係代表咗好多撐你哋嘅心聲!希望香港人嘅精神可以薪火相傳俾你哋嘅下一代!「靜坐人海 你我非不怕,會畏懼這樣下去怎辦。但是人生 到了這一晚,更怕未表白內心呼喊!」「一起舉傘 ,一起的撐,一起儘管不安卻不孤單對嗎?一起舉傘,舉起手撐。一起為應得的放膽爭取怕嗎?」「任暴雨下,志向未倒下,雨傘是一朵朵的花,不枯也不散!」

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]