黃子華

「教主」

今次棟篤笑表演唔單止佩服教主,仲睇得出佢以香港人為傲。當講完大事大非之後,真係好少見教主會哽咽,佢停咗陣,在場觀眾不斷嗌「加油」!然後好感觸同眼泛小小淚光講咗四個字 – 「光明磊落」!嚟四個字亦代表咗我哋呢一班和平集會嘅「香港人」!今次係世界嘅目光下一次又一次表現香港人嘅質素!我亦將兩段我好鐘意嘅部分同大家分享!

「婆媳」

香港嘅問題好似婆媳糾紛,係必然瀨嘢關係,除非新抱第一日入門,全心全意話奶奶我愛你,或阿媽我愛你,但通常都係畀錢叫佢搬開唔好一齊住。。。當你話屋企冇人間屋好陰,奶奶就叫成班親戚嚟一齊住,你就話佢哋係昆蟲,如果唔係昆蟲邊有咁多?仲喺後巷屙屎。。。你夠唔夠膽話你6月3號之後去咗邊度?

「電梯」

奶奶之前答應咗話過幾年畀你揸弗,但依家只係畀你揸電梯,揸弗好似揸車可以周圍去,但揸電梯只係同樣地方揸上揸落,咁即係講咗唔算數,咁依家有得揸你揸唔揸住先,唔係有得揸都唔揸呀,毋須多講,佔領廚房,若果你佔領廚房可能最終瞓柴房,屋企仲有老公同埋仔,佢哋係沉默嘅大多數,但沉默嘅大多數唔代表佢哋唔辛苦,因為新抱可能每日都會唱《試問誰還未發聲?》奶奶就側邊唱《試問誰還嫌錢多?》。

 

其他報導:

蘋果日報 – 2014.10.14


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]