言無信

「無言」

個政府係過去個十幾日不斷打「輿論戰」,係咁用唔同嘅數據去話俾大家聽嗰班集會人士對個社會有啲嘜嘢負面影響,真係佩服!我真係想睇吓有冇啲 Historical Data 或者 Open Data 可以拎嚟做分析,比較吓冇集會嘅時候係點。不過點都好,我都未必信佢哋啲數據,因為都唔知點收集返嚟!

「無信」

最無奈嘅就係個政府「言而無信」!個政府想點呢?話就話門常開,點知係門常關先真!成日話「有商有量」,「聽取民意」,咁點解可以有咁多籍口?諮詢嚟做嘜?咪又係做一場大龍鳳去應酬佢哋口中嘅「小數」。加上用埋「拖字訣」,一拖再拖,話傾唔傾,咁點先?

「無恥」

其實真係俾隻「狼」玩晒,一味玩弄市民,成日講嘢係度問非所答,玩語言偽術,推卸責任。仲要極度「厚顏無恥」,成日要啲細嘅同你孭鑊!出嚟行,預咗要還㗎啦!哩埋係屋企拍片,真係以為自己係總統咩?一個慣性講大話的人,再講多無限次大話,應該已經變成「家常便飯」了。

(Visited 35 times, 1 visits today)

Also published on Medium.