訓醒未

「佔中」

其實過咗咁多日我仲係唔明點解個個仲用緊「佔中」嚟個名。個運動已經變咗好耐,但係政府,媒體甚至身邊啲朋友都係不斷用嚟個名,真係令我諗唔明,其實關「佔中」乜嘢事。有佔過中環咩?好似無,又或者有小小,但係「佔鐘」,「佔銅」「佔旺」同「佔尖」都有係冇「佔中」囉!一用到「佔」嚟個字就會令大家覺得一定會有暴力事件發生,但係咁多日啲暴力一直都唔係啲學生同集會人士。

「撐傘」

當警察向平民發放胡椒噴霧同第一枚催淚彈嘅時個運動已經變咗。而「雨傘革命」,「遮打革命」甚至乎外國翻譯成 Umbrella Revolution , Umbrella Movement 嘅時候,亦標誌著香港人只係用一把無攻擊性嘅遮去抵擋暴力清場嘅場面。當觸發更多人參加個活動亦表示大家唔係再為「佔中」而參與。個政府好明顯仲未訓醒,一味用「佔中」嚟掩飾佢哋用個嘅暴力!仲不斷分化我哋個社會,居心可測!

「醒啦」

除咗政府,其實仲有好多人未訓醒!唔知同唔去了解啲新世代同整件事嘅朋友,其實只需你好少時間。希望大家可以平心討論,只要你肯去吓睇吓就會明。我自己係為咗下一代,你可以自私唔理,但係當黑變白,白變黑嘅時候,你仲置身事外到咩?真係希望你哋快啲醒啦!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]