消耗戰

「心理」

呢幾日需然好疲倦,但係死都要抽時間去金鐘,灣仔同銅鑼灣感受吓發生啲乜嘢事,感覺每一日都有少少唔同。其中心理質素好緊要,包括自己在內,因為多咗據點同越嚟越多搞事嘅人出現。如果一但沉唔住氣就前功盡廢。相信隻狼就係等嚟一刻出現,嚟個係狼嘅本性。呢個係消耗戰所以唔可以咁快消耗晒我啲嘅體力同意志!仲要記得唔好俾嗰啲搞事嘅人挑釁到,一個不留神就會俾隻狼乘機而入!

「懷疑」

其實我一直諗,啲警察去咗邊樹呢?嚟幾日都係間唔中見到一兩個。好很定已經養精畜銳,隨時出擊,但無論佢哋想點都唔係借口唔出去巡邏。真係講唔過去!仲有個班建制派去咗邊?平時牙眨眨,已家好似人間蒸發!咁佢哋又諗緊乜?或者係收咗命令唔好出聲,廢事搞亂檔?點都好,懷疑同估估吓都唔係辦法,香港人要運用我哋最叻嘅技能,就係「執生」隨機應變!

「堅持」

大家辛苦咗咁多日唔同咁就放棄咩!如果係咁以後可能再無機會討價還價!所以我哋要堅持,唔好咁易放棄!直至到隻狼出嚟面對我哋嚟班香港人!我真係想多謝有參與同海外支持我哋嘅朋友!我哋一齊加油,努力,爭取本來屬於香港人嘅嘢!


Also published on Medium.

Leave a Reply

Your email address will not be published. Required fields are marked *