暴風圈

「平靜」

之前無辦法去支持大家已經有啲過意唔去,不斷擔心訓醒香港唔知變成點!終於忍唔住都要親身出去睇吓我出生嘅香港。如我所料,香港人好自律,好和平同好有條理咁表示佢哋嘅訴求。需然我只係去咗銅鑼灣,但係已經好感動!感動嘅係無需因為乜嘢活動或者乜嘢人先出嚟抗爭,而係因為「香港人」呢個身份!睇驗真正港人治港!

「風暴」

表面睇好似好平靜,但係暴風前夕唔係都係咁咩?從晏晝到夜晚,竟然一個警察都見唔到,感覺好奇怪。一日之前先出暴防隊,胡椒噴霧同好多好多嘅催淚彈。個政府咁得意嘅,可以 180度改變佢哋嘅態度?如果你問我,我一定唔信佢會俾我哋咁玩落去。十一國慶就在眼前,唔通唔放煙花就無事?可以平息我哋呢班香港人?佢哋諗乜我唔知,我只係想發表自己嘅睇法,就係佢哋一定等我哋平靜啲之後一定有動作。

「擔心」

呢個係我自己嘅諗法,所以唔需要任何人嘅認同。認真的感覺今晚會有事,因為當大家將抗爭嘅活動變咗嘉年華,無警察做嘢,提防心降低,體力下降嘅情況下,我哋以為贏咗少少嘅時候,嚟個就係清你袋嘅時候!感覺令我諗起 89.6.4。。。希望大家事事小心。唔想一生人見兩次呢個畫面!繼續和平抗爭,靜靜咁坐係度就得㗎喇!唔好俾人跣動或者懶型!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]