催淚彈


「雨傘運動」, 個人分享
Tagged With: , , , , ,

「感想」

其實冇諗過開始寫 Blog 無耐就要寫咁多社會嘅感想。我相信9月28日對大部份香港人都係一個好黑暗嘅日子。香港人示威唔單止俾啲應該服務香港嘅人噴胡椒噴霧,仲要捱警棍同催淚彈。點解事情會發展成咁?好簡單,一個連面對學生同人民嘅特首都唔識去面對嘅時候,仲要問非所答講廢話,你話咁嘅人點可以說服人民!你只不過火上加油!你真係識「呃」人!連面對嘅勇氣都無,唉。。。

「策略」

其實我支持和平示威,唔好認命,但不代表暴力去爭取。香港人好有文化,好有教養,從來唔會做一啲暴力行為!但係大家先睇清楚政府佢哋嘅策略,又或者係中國政府一路嘅策略。好簡單,佢唔俾平民睇到佢哋醜陋嘅一面就係去挑釁示威者等你發火去攻擊佢!咁出師要有名先得㗎嘛!你反抗出手就係犯法,佢挑釁就係合情合理!當香港警察部隊頂唔住,咁咪有藉口出解放軍囉!嚟招真係四兩撥千斤。

「死結」

你出「EU」唔夠,出「PTU」唔夠,出「防暴」都算。對手無寸鐵嘅平民要咁大武力嗎?就係一個催淚彈令好多平民發癲!呢道係香港,唔係中國,係一國兩制嘅國際城市,你真係叻!你令本來唔反你嘅人或中立嘅人諗返起 89.6.4!真係要俾個服字佢哋!驅趕,清場係無用,只會天怒民怨,官逼必反嘅局面!咁我哋嘅香港就俾你一個搞掂。。。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]