撐學生


「雨傘運動」, 個人分享
Tagged With: , , , , ,

「對錯」

因為近期嚟個話題太多人討論,所以講吓自己睇法。其實學生罷課唔同人有唔同睇法。不過乜嘢係啱,乜嘢係錯先?只不過觀點唔同,立場唔同。所以你點睇件事我唔會太在意。因為你有你嘅諗法,我有我睇法。唔通「六四」啲學生又有錯?

「罷課」

我當然係支持啲學生,如果唔係唔會 Upload 學生相上 Facebook。個人認為,唔爭取就等如放棄,好似最近套戲 「The Maze Runner  – 移動迷宮」咁,唔走出去個迷宮就注定等死,倒不如博一博,出咗去先講。出咗去都未必係代表成功,只不過唔好認命!逃避係辦法咩?除非你唔係香港人。

「爭取」

其實大家有冇少少慚愧呢?當學生為你哋出嚟捍衛民主自由嘅時候,你有冇諗吓點解呢?為抗爭而抗爭?得閒無嘢做咩?除非你唔要民主自由!凡事唔好淨係睇一面。學生係社會嘅下一代,應該等佢哋嚟決定未來。到時我哋都死咗啦,唔好用我哋個套觀念放係佢哋到,因為唔 Work 囉!你都覺得上一代啲思想古老嘅時候,後生個班咪一樣!

(Visited 39 times, 1 visits today)

Also published on Medium.